Dr ST Potgieter se Weeklikse Pitkos

Briewe van ons Lesers

Stuur briewe en korrespondensie vir my aandag na st@pitkos.co.za.

Goeie dag ST - ek gebruik elke een van die 10 punte. Ek glo ook dat die Heilige Gees my lei deur vir my 'n gevoel van vrede te gee wanneer 'n saak waaroor ek nie heeltemal seker is nie, wel reg is nadat ek daaroor gebid het. Dit hou negatiewe gevoelens uit my gedagtes omdat ek vertrou dat die Here my deur sy Gees lei en ek vertrou dus die gevoel omdat ek weet dis eintlik Sy leiding.
Ek gaan ook verder met die mentor en vra gebed van ten minste 2 baie betroubare diep geestelike vriende sodat ons meer as een is wat in harmonie bid. Groete - Martie

Middag Dr Potgieter - soos ons vlugtig oor die telefoon bespreek het, wil ek net weereens graag BAIE dankie sê dat u bereid is dat ons van die waardevolle en inspirerende inligting op u webwerf kan gebruik. Sodra die nuutste koerantjie (Hartklop) gedruk is, sal ek beslis ‘n paar in die pos gooi! Groete - Elzanne

Beste ST - baie dankie vir hierdie great voorstelle vandag, ek sal dit beslis myne maak. Groete - Riekie

Hallo ST - I am responding in English for ease of expression.I was deeply moved by your newsletter on "Thankfulness".

On 22 June 2006 I had a fire at my house and being a single parent, this severely traumatised me and my children.I looked at the negative impact this was having on our lives and also counted the costs. We were without our house for 6 weeks.In retrospect, I have sooo much to be thankful for, inter alia, there was no loss of life or limb, material possessions were replaced, we were accommodated by neighbours, I was released from a bad relationship with a man, etc.

This also links with your next newsletter on Positive Thinking. So often we miss the message when something happens to us. We first see the negativity and therefore lose the lesson!

Thanks for your "pitkos"....it is indeed nourishing to the mind and spirit!!!

God bless - Pat

Baie dankie vir u nuusbriewe ek kan elke keer nie wag vir die volgende een nie - Joan

Dankie Dr potgieter vir sulke inspirerende geselsies (briefies) Ek geniet dit baie en maak gebruik daarvan. Ek stuur dit ook aan mede kollegas en vriende. Hoe meer mense positief is en bid… kan ons ons dan ‘n verandering bring in ons land SA. Groete - Haneley

Goeie Môre - Baie dankie vir julle mail. Dit is wonderlik!!! Mag die Here julle ryklik seën.Vriendelike Groete - Danea

Baie, baie dankie. Ek is 'n onnie en ly aan depressie. Is af vir 3 maande. Sterkte met wat u doen. - Gerhard

Dankie Dr Potgieter vir hierdie positiewe nuusbrief - dit is lekker om "tools" te kry... hoe om positief die lewe aan te pak! Groete - Karin

Dr Potgieter - dankie vir die voorstelle oor positiewe denke. Dis 'n pragtige en insiggewende artikel. Vir my die beste manier om positief te wees is om 'n mens se seëninge te tel. Wanneer ek soms moedeloos raak en negatief wil raak dink ek maar net aan die minderbevoorregtes. Daar is duisende mense wat in totale armoede voortleef elke dag met geen vooruitsig van 'n beter lewe nie. Hulle is meestal juis die mense wat altyd lag en vriendelik is. Of natuurlik wanneer ons vrouens oud en lelik voel sien 'n mens 'n "make-over" op TV van 'n vrou wat Alopecia het met geen hare op haar kop nie, en weer eens moet 'n mens jou kop in skaamte laat sak omdat jy dalk ontevrede is omdat jou hare nie sus of so is nie of jou oë te klein is, of jy 'n bril moet dra of wat ookal. Die belangrikste is natuurlik 'n mens se gesondheid. So baie mense is in hospitale of inrigtings. Dus is gesondheid sekerlik ook 'n baie groot seën. Maar nou ja 'n mens bly mens en vergelyk jou nie altyd met die negatiewe nie, maar soms met dié wat baie meer het en wie se lewens baie makliker lyk.

Groete en dankie vir jou Nuusbrief, dit het groot waarde en is soms net die regte ding op 'n gegewe oomblik. - Wena

Baie dankie vir die voorreg om jou e - mails te kan ontvang. Dis baie leersaam en beteken baie vir my. dankie vir jou as mens wat vir jou medemens omgee. Groete - Ilze

Dankie vir jou mail, ST, sjoe maar jy werk darem laat snags, is dit hoe jy by al die positiewe denke uitkom, in die middel van die nag? Wel ja dit is seker ook al tyd wat jy kry om bietjie rustig te raak, weereens dankie vir jou e-mails ek sien altyd baie uit daarna!! Lekker dag vir jou. Groetetjies - Tania

Dr ST - baie dankie vir hierdie stukkie inspirerende boodskap. Dit is Ironies dat ek onlangs tot dieselfde besef gekom en `n besluit geneem. Die tien voorstelle kom nie `n minuut te laat nie.

Dit is tog so belangrik dat `n mens op die positiewe fokus. Een van die beweegredes vir my besluit was toe ek `n Epos ontvang het van verhongerde mense van ons Vaste Land Afrika. Die prente wat my die ergste getref het was die van mense wat te swak is om te eet en diegene wat van die grond af eet en selfs tussen diere enige iets wat beskikbaar is. Hier sit ek en sit en kerm oor hoe swaar ek kry.

Die volgende oggend het eers vir die Here begin dankie sê. Ek het besluit om my seëninge te tel. Ons het baie om dankbaar te wees en ek het my dit ten doel gestel om wanneer mense kla om positief te bly en mense op die positiewe te wys. Filippense 4:13 is teen my muur opgeplak enige persoon wat my kantoor binne kom en ek ook wanneer ek elke keer na my lessenaar terug stap. (Maklik 70 keer pd). - Harry

Goeie môre - baie baie dankie vir die baie bemoedigende en positiewe brief wat ek van oggend ontvang het en ja, dit is baie spesiaal vir my.

Ek het net nou die aand gesê dat ek my nie meer met negatiewe dinge en mense wil omring nie.Maar dit is nie so maklik nie maar n mens moet maar net probeer. Baie dankie vir die voorstelle en idees. Jy het so n wye spektrum gedek dat ek nie eens op die oomblik aan nog iets kan dink nie

Moet tog asseblief nie my naam van jou adreslys verwyder nie ek stuur ook aan ander die webblad.

Baie sterkte in hierdie wonderlike werk wat jy doen en dat jy nog die tyd vind om, te midde van al jou ander verpligtinge, hierdie pitkos vir ons te gee. Ek sukkel maar nog met die ander probleem maar vertrou dat dinge sal uitwerk. Beste groete - Edie

Beste ST - die gekopieerde mense sukkel om te registreer vir die weeklikse nuusbief op die webwerf en om dit te ontvang. Kan u asb. die probleem oplos?Ek het hulle e-pos adresse gekopieër op die skrywe. Baie dankie vir jou waardevolle nuusbrief. Groete - Noel

PS: Beide studente is verantwoordelik vir die geestelike portefeulje by hulle koshuis en wil dit gebruik as 'n instrument om 'n bietjie inspirasie en gesprekspunt te dien vir +- 370 studente in 2 koshuise

Beste Dr ST - ek gaan my bes probeer om hierdie 10 stappe in my lewe te gebruik. Ek en drie van my vriendinne hier by SARS (elk in verskillende afdeling) kom elke oggend voor werk in my kantoor bymekaar, dan trek elk van ons n kraartjie uit n houer waarop staan ‘BROOD VAN DIE LEWE”. Hierdie houer met kaartjies, is kaartjies met Bybel versies op en elk oggend trek ons so n kaartjie en lees dit hardop vir mekaar. Dit is vir ons al so n instelling om dit elke oggend te doen en dankie te sê vir ons Hemelse Vader vir hierdie dag en ook om so dan mekaar te ondersteun, te bemoedig en mekaar positief te maak vir die dag wat voorlê. Ek glo nie een van ons kan n dag meer begin voordat ons n kaartjie getrek het en ons Hemelse Vader daarvoor gedank het nie. Hierdie nuusbrief van jou dokter gaan ek ook met hulle deel. Beste groete en n wonderlike dag vir u - Elize

Dr. ST - Dankie vir weereens waardevolle inligting, gedagtes en motivering. Dit gaan dol hier bo in Pretoria, maar jou nuusbrief gee altyd so bietjie vars en waardevolle "skop" vir die week. 'n Gemotiveerde en nederige luisteraar. Vriendelike Groete - Naldine

Hallo ST - Baie dankie vir vanoggend se boodskap wat vir my baie beteken. Ja, dis so maklik om ingetrek te word by negatiewe gedagtes, geselskap of die werksomgewing.. Dit is ‘n doelbewuste besluit wat ek elke dag moet maak om positief te bly… Wanneer ek negatiewe gedagtes kry, probeer ek konsentreer op al die seëninge wat ‘n mens as so vanselfsprekend aanvaar (soos om te kan loop, vriende & familie te kan hê, ens), ..en vrede te maak met dit wat ek nie het nie! Groete - Suné

Hallo ST - dankie, ek waardeer jou nuusbriewe. Eintlik sien ek uit daarna. Dankie ook vir die stukkie oor dankbaarheid.

Weet jy, al die jare wat ek nie kon gesels of praat nie, het ek my teruggetrek. Nou begin ek en my man eers ordentlik kommunikeer. En ons het 23 jaar agter ons waarin ons baie gemis het. Baie verloor het. Gelukkig het ons 'n 2de kans. Dit is nie almal wat 'n 2de kans kry nie. En daarvoor is ek dankbaar. Daar is nog baie MISVERSTANDE. Maar ek probeer my bes. Dit is nie iets waaroor 'n mens wil gesels nie, maar my huwelik het bestaan uit skoonmaak, kosmaak, kinders grootmaak en werk. Niks verder nie. Dit is nou nog 'n aanpassing om aanraking te aanvaar.

Ek was so, dat as iets net lyk dit wil verkeerd loop, het ek al gesê, moet asseblief nie skiet nie, ek is reeds gewond!! Ek is 'n geknakte riet en 'n rokende lamppit.

Ek het nooit ophou kerktoe gaan nie, en nooit ophou glo nie. Ek het selfs tot verlede jaar, by ons "ou gemeente" vir 10 jaar lank Sondagskool gehou. Die kerk gaan nie oor wette, reëls, ordes en voorskrifte nie, maar oor verhoudings. So skryf Paulus vir Titus wanneer hy sê dat gelowiges sensitief moet wees vir mekaar en dat hulle bedagsaam moet wees teenoor alle mense.

Ek hoor dikwels van liefdelose kerkmense. Maar liefdelose mense in my eie huis was iets vreeslik. Skoonma het op 'n staduim gesê dat sy nie kerk toe gaan nie, omdat ek daar is. Sy het so ver gegaan en gesê dat ek nie moeite moet doen om eers haar begrafenis by te woon nie!! Nou kom sy gereeld om te hoor hoe gaan dit met my> En ek is soms te bang om te sê :"Dit gaan baie goed, dankie!" Net omdat ek bang is ek gaan more-oggend wakker word en dit gaan wees sleg. Is my geloof nie genoeg nie?

Skinderveldtogte en liefdelose optrede is aan die orde van die dag. Onlangs het ek 'n leraar hoor kla oor hoe liefdeloos sy kerkraad hom behandel. Sonder dat daar ooit direk met hom gepraat word, word vals stories oor hom versprei en deur kerkraadslede as die waarheid oorvertel. (Ek het elke dag gehoor hoe 'n sleg ma ek is, 'n hoer, 'n meid, 'n teef, ag, alle name, soveel so dat my selfvertroue daarmee heen was.) Trouens, so erg gaan dit al dat sy bediening aan flarde is en dat hy besluit het om tou op te gooi. Dit breek my hart as ek sulke stories hoor. Ek wonder of daardie gelowiges al Titus 3:2 gelees het. Ek wonder of hulle verstaan dat die lewende God van hemel en aarde van hulle verwag om inskiklik en sensitief te wees en om ander bedagsaam te behandel.

Nee, Paulus is nie maar net besig om goeie raad aan Titus en aan ons deur te gee nie. Hy is nie met 'n paar motiveringspraatjies besig nie. Inteendeel, hy bring God se Woord op skrif aan ons. God self verwag dat ons verhoudings deursigtig en liefdevol sal wees. God vra dat ons deernisvol teenoor ander mense sal optree. Ons moet 'n warm hart vir mekaar hê. Dis 'n hemelse bevel.

So, dankie vir jou tyd, liefde, aandag wat ek deur jou skrywes kry. Groete - Hanni

Geagte Dr Potgieter sal u so goed wees om ons ook in te teken op U Pitkos. Vriendellik Groete - Heidi

Goeie dag my naam is Jennifer, Ek is pas kennis gegee by my werk en moet die einde van die maand klaar maak ek het nog nie ‘n ander werk gekry nie, Ek glo ek sal ‘n ander werk kry mar ek probeer om alles wat positief is in my lewe te kry want ek was vandat ek kan onthou negatief en was in inrigtings en het al vele sielkundiges gesien. En ek wil nie weer daardie paadjie volg nie, my pastoor het vir my sondag in die kerk gese die venster van die hemel is nog oop op my en dit het my nog moet gegee. Mar ek is moeg gesukkel en ek hoop en bid net alles wil net reg kom ek weet ek kry ook nie altyd tyd om te bid of om die here te dank vir alles wat hy my gee nie, mar vandag wil ek hom dank vir die lewe en die krag wat hy my gee, want ek weet dis alles vir ‘n doel al verstaan ek dit nie, en al raak ek partykeer so kwaad vir Hom dat ek met Hom stry en baklei mar ek weet dit sal regkom ek hoop so en hoop dit gebeur gou en vra dat ek net die krag moet kry om net nog deur die te gan want ek is emosioneel en fisies uitgeput! Ek het nou onlangs weer begin kerk toe gaan want ek weet ‘n mens het die here in jou lewe nodig en nie net as ‘n spaarwiel nie mar as ‘n stuurwiel!!!!! Daarom wil ek net weereens vir die Almagtige Vader baie dankie sê vir alles wat ek het ek weet daar is mense met groter probleme as ek en met baie minder as ek en dankie dat ek nog my hele gesin het! En ek vra dat U heilig bloed oor hulle sal pleit en hulle sal beskerm waar ookal hulle sal gaan! In U naam alleen en laat U wil geskiet Amen!!!!! - Jennifer

Beste ST - eerstens, baie dankie vir jou weeklikse nuusbrief - ek geniet dit baie.Tweedens wil ek net vra of jy nog steeds `n boekie/inligting beskikbaar het oor studie metodes. Ek verbeel my ek het êrens gelees dat jy in `n stadium so `n boekie beskikbaar gehad het. Ek sal dit waardeer indien jy my kan laat weet, asb. Baie dankie by voorbaat. Groete - Dalene

Beste Dr. Potgieter - dit was vir my baie aangenaam om `n nuusbrief wat u geskryf via `n vriend te
ontvang. Ek het besluit om self in te teken op die pitkos nuusbriewe, en het sopas die eerste een gelees. Baie dankie daarvoor.

Ek was `n paar jaar terug saam met `n kind, ook S.T. Potgieter, op `n rekenaar kursus in Tzaneen, hy sou binnekort verhuis. Ek wou net hoor, dalk u seun? Hy (die seun), het my baie beindruk, hy was baie doelgerig, het `n aangename persoonlikheid gehad en was ook heel "stabiel", vir `n tiener. Ons het
langs mekaar gesit in die klas, het partymaal gesels - en hy het my nogal paar keer gehelp met van die probleme - moet net nie oorvertel nie, asseblief. Hy het genoem dat sy pa `n sielkundige is...

Ek sou nogal graag wou weet hoe dit met hom gaan, en met sy familie, vir wie hy baie lief was/is...? Ek sal dit waardeer indien u kon help - dit sou nogal `n geval kon wees van "Klein wêreld..", né? Baie groete - baie dankie weer vir die opbouende nuusbrief - dit het my dag gemaak en my baie laat dink... Mens se lewensuitkyk is baie belangrik, né? - Nicola

Hallo ST - ons soos blare wat warrel in die wind van die lewe.En ons kom van verskillende bome en dieselfde wind is die ritme wat ons deel.Maar dit is so jammer dat ons partykeer so na by mekaar verby warrel en nie die tyd maak om saam die oomblik wat die wind spesifieke unieke blaar langs jou laat rus te deel nie.

Hierdie roos blaar (op die oomblik ),want ons verander ook van bome,seisoene en ritmes gaan vir die blink blaar wat so mooi glimlag en altyd tydjie om te vertoef het, maak in die volgende week met jou
kontak.En dan kom drink jy koffie by ons.

As ons nie spesifieke tyd maak nie warrel die wind ons weer verder voor ons doe geleentheid gahad het om te deel.

Jou Tygerberg sprankies is iets waarna ek altyd uitsien en as dit die week nie daar is nie is die koerantjie net nie dieselfde nie Baie groete en ons bel jou. Laat die blare van lente vrienskap kan bot -
Roumaine

Baie dankie vir die pragtige boodskap wat tog so waar is, hoe maklik vergeet 'n mens (ek) nie om dankbaar te wees vir alles wat ek so mildelik in die lewe ontvang nie en is so geneig om altyd aan die slegte kant te dink. Dit is 'n boodskap wat my weereens laat besef het en dadelik dankie gesê het vir al die seëninge in my lewe. Mag u geseënd wees omdat u die boodskappies so mooi aan baie oordra.

Groete. - Kowie

Beste ST - baie dankie vir jou nuusbriewe - ek deel dit graag met my geliefdes en jou onlangse skrywe oor die beginsel van dankbaarheid het ons weer goed aan die praat gehad. My seun in matriek word gereeld blootgestel aan vriende met baie hoë materiële verwagtinge en waar geld ook nie 'n probleem is om aan hul verwagtinge te voldoen nie. 'n Jong 18jarige matriekseun het pas sy lisensie gekry en het daarmee saam sy ma se Mercedes Kompressor ge-erf. Sy ma het natuurlik opgradeer na nog 'n duursamer stel wiele.

My kind staan verwonderd as hy by sy vriende kuier en die duursame rekenaars, selfone, musiek-instrumente en motorfietse sien. Nie eers te praat van die vet sakgeld toelae wat sommerso sonder rede of 'n druppel sweet in hul bankrekeninge inbetaal word - En dan kla hulle omdat dit nog nie genoeg is nie - hul verwag net altyd meer en meer - wil net altyd die beste hê en kyk spottend neer op diegene wat baie gelukkig en tevrede is met Oupa se 1987 Opel Monza as ryding. My seun kry maar min sakgeld, maar is dankbaar vir elke sent. Hy speel elke Sondagoggend die baskitaar in die Coram Deo Musiekgroep van ons gemeente. Die oggenddiens begin om 8h30 en om 7h15 is hy al op sy pos vir die in-oefen van die liedjies. Sy vergoeding word gespaar en dit is wonderlik om te sien hoe trots hy is wanneer hy vir hom 'n sterker 'Amp' of 'n beter kitaar kan gaan aankoop met die geld wat hy self verdien het.

Ja, ons is dankbaar vir die Goeie Gewer wat ons nederig hou en ons ontvang al die genadegawes uit Sy hand met groot opgewondenheid en ons loof en dank Hom met gelukkige, tevrede en dankbare harte!

Ek het vandag 'n e-pos ontvang en die foto van die honger kindjie het net weer eens my hart aangegryp - ons besef nie hoe geseënd ons is nie! Ek gee dit vir jou deur. Mooi dag en nogmaals dankie vir al jou nuusbriewe - ek waardeer dit opreg! Groete - Rose

Hi ST - ek hoor jy was weer die Dynamic Dynamite en dan jy 'n klub in Potch of êrens gaan begin. Jy dra ons klub se naam hoog en kyk net hoeveel lede het al aangesluit deur jou. Ons het net 4nuwe lede die hele laasjaar gehad en nou binne die eerste 2maande trek ons al by 5!!

Ja, verantwoordelikheid is een ding, maar hierdie is Las Vegas en ek moet seker een of ander tyd gaan kyk wat hier aangaan?!?!? Jy kan nie sê jy't in 'n stad gebly as jy nie weet wat aangaan nie, of hoe? Groete - Michael

Hallo Dr - ek wil net baie dankie sê vir die opbouende nuusbrief van 12/09 oor dankbaarheid. 'n Mens weet al hierdie dinge, maar dit word weer in perspektief geplaas wanneer mens dit lees en oordink - ek sê ook dankie dat Dr gehoorsaam is aan die roeping van ons Here om ons op hierdie manier te
bedien met jou gawe. Bou voort en volhard in die goeie werk, soos Paulus ons almal roep. Baie sterkte en seën wense. - Andra

Hallo Salomon - Ek het dit REGGEKRY!! Kyk op die "home" bladsy van http://www.sunlandsouthafrica.co.za. Byna onder is die koppeling (Link) na PITKOS. Hoop dit help! Ek het nog baie reklame om te doen. Vriendelike groete - Mien

Goeie more ST - Baie dankie vir hierdie wonderlike gedagte van vandag, dankbaarheid!!!!!!

Dankie dat ek weer besef vir hoeveel ek het om voor dankbaar te wees. Ja, ek weet, alles, ja alles behoort aan die Here.

ST as enkel ma is dit soms vir my baie moeilik en verskriklik alleen, ek glo die Here verstaan dan my hart….. ek is nou 5jaar sekretaresse by my skool, ek voel my tyd is nou uitgedien, bid saam met my vir ‘n ander betrekking asseblief, ek moet bietjie meer geldjies verdien, my dogter kom terug van London 8 Desember, dan moet sy en haar broer saam bly, want finansieël kan ek dit nie bekostig nie.. Ek weet die Here sal vir hulle albei werk voorsien, en sal dan my lewe vir my makliker maak.

My wens en begeerte is ook dat die Here vir my ‘n vriend sal stuur wat ook waarlik ‘n kind van die Here is, ek is nou amper 5 jaar alleen, ja, soms is dit maklik om ondankbaar te wees in jou omstandighede, maar ek weet, die Here is altyd in beheer, maar dit is soms baie moeilik, maar dan kry ek ‘n wonderlike inspirerende brief van jou, en dit beteken vir my geweldig baie.

Dankie vir jou wonderlike ondersteuning, ek weet dat jy vir vele mense baie beteken, en die Here seën jou daarvoor. Wonderlike dag vir jou. Groete - Riekie

Beste Dr. Potgieter - baie dankie vir hierdie week se nuusbriefie - wat 'n inspirasie!!. Ek gaan hierdie boodskappie van jou uitdruk en teen my yskas plak sodat, nie net ek nie maar elkeen wat my kombuis betree hierdie positiewe lessie kan lees en hopenlik self ook probeer toepas.

Weens al die misdaad en algemene agteruitgang van ons pragtige land is dit werklik moeilik om positief te wees aangesien ons dag en nag onrustig en op ons hoede is en eintlik nooit werklik kan ontspan nie (veral as 'n gesin al verskeie kere aan die ontvangkant van misdaad was).

Ek gaan werklik 'n positiewe poging aanwend om elke dag my dankbaarheid teenoor my Skepper te bely en so ook, in dieselfde gees van dankbaarheid, met ander te probeer omgaan. Hou asseblief vir my duimvas! Baie groete en beste wense - Elize

Baie dankie ST, ! Hoop dit gaan goed met jou, ek net baie besig by werk, ons oestyd begin so dit gaan rof, hoop jy het 'n lekker dag, groetetjies - Tania

Baie dankie dr. vir die wonderlike aanmoedigings wat ek van u ontvang op so 'n gereelde basis.Dit laat 'n mens dink en weer met ander oe na jouself en alles wat die Here elke dag uit sy groot genade aan jou uitdeel kyk.Ek is 'n boer van beroep in die Douglas[Noord Kaap] omgewing langs die Vaalrivier en sien die mooi van die skepping in die vlug van die visarend elke dag-hoe volmaak God alles gemaak het.Ek wens ek kon elke dag hierdie inspirerende brief van u ontvang-ek dank u daarvoor.Mag u 'n fantastiese dag ervaar. Groete - Henk

Hi ST - Dankie vir jou praatjie nou die dag by my werk, … Eiendomme. Dit is baie van toepassing en maak baie sense, veral as mens deur dieper waters is, dan is iets soos eiendomsdeal wat nie uitwerk nie, nie so verskriklik nie! Dit is dieselfde van jou kop optel elke liewe keer en weer voortgaan, en LEER daaruit!

Al is ek nog net paar maande in hierdie bedryf, was ek nog nooit so happy met wat ek doen nie! Nie een deel van die werk voel soos WERK nie. Dis net als plesier, van die deur kloppe en mense wat jou tyd mors (gee mens dan meer tyd om nonsens met hulle te praat!) Anyway, dankie vir die praatjie, hoop Hein book jou sommer gou weer vir ons.

Kan jy asb vir my op jou mail lys sit vir die notes wat jy deurmail van tyd tot tyd. Altyd lekker om iets te lees wat mens laat dink en leer. Lekker aand/dag verder, weet nie wanneer jy hierdie dinge gelees kry nie… Bye eers - Anjé

Hallo Salomon - Met DANKBAARHEID in my hart het ek die skrywe ontvang! Soveel dinge het oor ons pad gekom die jaar, goed en sleg, vreugde en hartseer, skok en verrassing, te veel om sonder GOD te hanteer. Ons het 'n eie Besigheid begin, en na 4 maande se DROOGTE het dinge skielik 'n ander wending begin neem en dank ek GOD vir die vertraging: mens kan terugkyk en besef SY TYD is die REGTE TYD!

Ek stuur jou per aparte skrywe wat ons nou doen (En BID Asb saam: Ek het pas 'n brief uitgestuur om navraag te doen sodat ons 'n REISAGENTSKAP OOK kan wees!)

Wat kantoor betref, is ek nou al veel meer professioneel - dinge moet nou net in plek val sodat ons vir ander ook werk kan skep.

Ek het min geskryf die afgelope tyd - werk letterlik dag en nag om ook ons webblad reg te kry - baie navorsingwerk en ook erg tydrowend. Dit stimuleer egter die brein ook en wat wil mens meer? Hoop dit gaan baie goed in die Kaap, Hierdie jaar het ons 'n buitengewone koue winter beleef en heelwat van ons plante is deur die swart ryp getref, maar die tuin word alweer pragtig.

Hoop om gou weer van jou te hoor en is ook so dankbaar dat ek weer jou omsendskrywes kan ontvang - vir ‘n tyd lank het niks opgedaag nie.

Dan ook het ons in Bemarking geleer dat mens niks kry as mens nie vra nie: Aanbeveling om van ons dienste gebruik te maak, sal hoog waardeer word. Ons kan dit met trots vra, want het al ambassadeurs en verskeie ander buitelanders vervoer, en ook van een stugge Duitser 'n brief van waardering ontvang met mededeling dat hy weer van ons dienste gebruik sal maak - hy kom gereeld na sy fabriek in die Pretoria-omgewing. Hou die blink kant bo! Vriendelike groete - Mien

Hallo ST - ek het jou praatjie van Saterdag baie geniet. Gryp elke geleentheid aan. Ek het in die afgelope twee jaar ongelooflike geleenthede gekry om te groei en ook om te besef dat 'n mens is werklik tot meer in staat as wat jy dink.

Ek was by meer as een geleentheid in die diep kant gegooi, en moes besluit. SINK OF SWEM!!!

Ek het besluit om positief te wees en het so lekker geswem dat ek myself sommer in 'n nuwe selfvertroue "bracket" ingeswem het. Soms verval 'n mens in 'n groef waar jy nie dink jy kan 'n beter lewe hê nie, maar dit is wonderlik waneer jy besef die lewe kan jou so verkeerd bewys.

Ek het byvoorbeeld my kinders self groot gemaak ten minste die eerste 9 jaar, maar moes weens omstandighede weer uitspring en gaan werk. 'n Nuwe wêreld het vir my oopgegaan en ek is ewig dankbaar vir my positiewe geaardheid, want ek het leer skilder, groot funksies gereel en BAIE mensekennis opgedoen ens. in die proses.

Ek het met Saterdag se praatjie geidentifiseer! Dis lekker om te lewe en selfs al is daar die donker dae, kan 'n mens weet dat daar altyd weer die goeies vorentoe sal wees. Bly altyd so positief en prettig. Dit was lekker om jou weer te ontmoet. (Ek lees gereeld jou Tygerburger rubriek!) Groete - Amelia

Môre ST - Eerstens wil ek sê baie dankie vir hierdie brief van dankbaarheid. Dit het net so op die regte tyd in my lewe gekom. Mens het soveel dinge om voor dankbaar te wees, maar is geneig om altyd net die negatiewe en verkeerde dinge raak te sien en daarop te lewe. Soveel dinge dra by daarna toe maar het ek net vanoggend weer eens besef om die negatiewe dinge en mense wat jou lewe negatief beinvloed omdraai en positief na alles te kyk want daar deur word mens versterk en net weer bewys as ek positief bly dan kan dit net goed gaan met my. Dis baie keer moeilik maar met genade van Bo is alles moontlik.

ST dankie vir al die briewe wat jy uitstuur, dit help baie en baie keer op die regte tyd kry mens net weer daardie ekstra stootjie wat jou weer aanhelp. Geniet die dag en hoop die lente maak sommer baie donker wolke helder. Groete - Caren

Goeiedag Dr ST - Ek het gewonder of u dalk moontlik vir my raad kan gee oor my kind se probleem op skool.Ons woon in Kempton Park… Is daar enige raad of advies wat u moontlik aan my kan gee? Ek as ouer hou egter vas aan die Here, want ek weet deur gebed kan alles reggemaak word. Die Here het my seun al so baie geseën. Ek hoor graag van u. Byvoorbaat dankie. Jesus groete - Liana

Beste dr ST - Dit klink so maklik om te sê: neem beheer van jou lewe, maar daar is omstandighede buite ‘n mens se beheer wat jou lewe beinvloed… Dis om die minste te sê “hel’ om in sulke omstandighede te lewe. Kortliks, mens word in elke opsig “beheer en gemanipuleer ”. Wat is die doel van so ‘n lewe? Hoe behou mens nog jou drome? Somstyds is dit moeilik om op God te vertrou en nog op Hom te fokus. Is daar genesing vir sulke mense en hoekom hoor jy nooit van geesgestremdes wat genees is nie? Groetnis - Annetjie

Hallo ST - Goed om weer van jou te hoor! Dit was vir my aangenaam om jou te ontmoet.

Baie dankie vir jou inspirerende praatjie Saterdag – jou boodskap het my weer bewus gemaak dat ‘n mens nie bang moet wees om nuwe geleenthede in die lewe aan te pak/uit te probeer nie (al is daar die moontlikheid van mislukking). En om te misluk, is ook nie die einde van die wêreld nie en is menslik. Sal myself net daaraan moet herinner by tye!

Ja, ek het die artikels gelees wat jy gestuur het en dit help. Dankie ook vir jou gereelde nuusbrief wat ek ontvang met baie nuttige inligting – ek stuur dit gereeld aan al my vriende. Lekker week vir jou - Suné

Beste ST - dankie vir die stuk wysheid. Nadat ek hierdie stuk gelees neem ek die vrymoedigheid om die e-pos aan te stuur. Ek plaas die afgelope paar maande elke Sondag “My Gebed Vir Die Week” op die Kletskerk en ander webwerwe. Die inspirasie daarvoor is dit wat ek gedurende die week ervaar en beleef. Ek sou dit graag vir jou wil aanstuur vir jou briewe kolom, as ek mag, en dan kan jy dit gebruik of nie gebruik. Ek wil nie jou webwerf “cloud” nie, maar op die wyse begin ons as christene ŉ ketting van week tot week.

Ek heg hierdie week se gebed aan en dan kan jy my laat weet. Ek sal geensins “beswaard” wees as dit nie by jou webwerf model inpas nie – dis bloot ŉ gedagte van my kant.

Here

1. Dankie dat daar miljoene mense vandag met sang en gebed U kon loof en prys

2. Dankie dat ons almal wat siek is aan U kan opdra, die wat fisies en andersins siek is soos o.a. depressielyers (2 Kor. 7:5-7)

3. Dankie dat ons nie in U krag hoef te twyfel nie, U krag wat U aan ons gee is dieselfde krag wat Christus uit die dood opgewek het (Efes 1:18-23).

Here

1. Help ons met ons monde en dade U elke dag te bely.

2. Die druk op ons gewone mense is sommige dae net te veel om uit eie krag te hanteer, help ons om dan onsself na U te draai en te mag vra – help ons ! (Efes 1:18-23).

3. Ons raak baie keer mismoedig want dit lyk asof U, U rug op ons draai, ons voel dan verlore. Help ons om dit te verstaan, want Here, dit is moeilik om te verstaan.

Groete en sterkte - Rico

Beste ST - baie dankie vir hierdie ongelooflike skrywe, ek het dit vandag verskriklik nodig gehad, ek sal hierdie brief oor en oor lees, dankie vir jou en jou wonderlike bediening. Ek sal graag eendag by jou ‘n afspraak reel en dalk kry ek iets spesiaal wat ek nodig het. Maar baie dankie, jy is ‘n blessing. Sterkte ook vir jou! Mooi dag - Riekie

Hi dr - dankie vir jou skrywe,ek dink Christo wat 9 is nou het ook n droombord ek dink syne is n lekker vakansie wat on nie nou kan bekostig nie,baie wysheid-het gesukkel opskool, sukkel nou nog maar dit gaan beter elke dag ons dank God daarvoor.Ek dink hy wil graag n boomhuis he en seker altyd speelgoed.Ma sal graag daai anders motot wil he dit hoef nie nuut te wees nie maar kyk moet in n goeie toestand wees,Jesus daai Isuzi vir Pa en die OU LAPA of afdak maar dankie dat ons groot droom is om by U te wees. Dankie - Christina

Ek is deur ‘n vriendin na die webwerf toe verwys. Nou nie, omdat ek probleme of enige rampe in my lewe het nie. Tensy, ‘n vinnige pas oor die naweek ‘n probleem genoem kan word. Ek weet ek prop omtrent ‘n hele week in een Saterdag in maar na 2nm kom ek darem weer tot ruste. Dit is waar dat ons jaag van een dag na die ander. Ek word skilpad genoem deur my mede-werkers omdat ek so stadig ry werk toe en terug elke dag. Hulle zoem by my verby in die oggende en weer in die namiddae. Ek het doel voor oë hoekom ek so stadig ry. Ek ry die lekkerste en prentjie mooi roete werk toe elke oggend en middag. Ek bly in Kuilsrivier en werk in Stellenbosch. Terwyl hulle so jaag sit ek rustig en bekyk die veranderende tonele om my elke dag. Nie een dag, lyk dit dieselfde nie. Die wingerde gooi die mooiste kleure, die lote lank en leeg en dan ewe skielik is hulle die sagte groen skynsel op. Voor jy kan sê ‘Betty Boop’, dan is elke loot oortrek van die sagste groen blaartjies. Dan kom die druiwe korrels en dan die swaar donker groen blare om hulle teen die son te beskerm. Die trosse raak so groot en swaar hulle hang onder uit, lyk partymaal soos ‘n klomp stout kinders wat onder die matras uitloer!

Op die oomblik is al die voëlverskrikkers op in Polkadraai aarbeiplaas. Hulle staan en hou wag op die nuwe aarbeie wat groei vir die Desember vakansie gangers wat soos ‘Indian Minors” kom verwoesting saai met die pluk van die aarbeie. Ek sien hierdie jaar hang party van hulle sommer so teen die pad se draad. Laas jaar het die rugby koors hoë gety gevier en was al die voëlverskrikkers as rugby spelers aangetrek. Ek wag vir 2010, ek weet sommer dat die sokker koors hier sal vlak staan in die vore tussen die aarbeie.

Ek het lankal geleer om elke dag elke lekker uit die dag te haal waar ek hom kan kry. Ek kom met ‘n glimlag by die werk aan en ek het dieselfde glimlag as ek by die huis aankom. Dit maak nogal ‘n verskil aan jou dag. Ons het eergister sneeu op die toppe van die berge gehad om Stellenbosch, sowel as swaar reën, sonskyn, hael en weer sonskyn en kwaai wind. Kyk hoe lekker is dit! Soveel variëteit in een dag!

So my lewe is nie sleg as ek nog tyd het om rond te kyk en alles te geniet nie. As die lewe jou druk gaan staan stil en kyk weet met ‘n kind se oë na wat om jou aangaan. Vind die wonder in die Here se werk en is sy malse kleure wat hy elke dag het vir jou. Groete - Wilna

Ek sal graag u nuusbrief wil ontvang. Liefde - Annelene

Hello Dr ST - Dit is vir my waarlik ‘n voorreg om op jou nuusbrief in te kan skryf. Riana het die een vir my aan gestuur en ek is baie bly.Ek en sy is baie spesiale vriendinne en ek is opreg dankbaar dat sy aan my gedink het i.v.m. die brief.

Ek weet nou nie of die brief die regte plek is om jou van my probleem te vertel nie maar ek gaan dit in elkgeval doen… Baie dankie vir die luister/lees – waardeer dit. Groete - Edie

Goeie môre - dankie vir die stukkie. Jy is heeltemal reg. Die enigste droom wat ek kan droom is om die ewigheid te beerwe. En wanneer mens daardie droom najaag dan val alles reg in plek. Wat maak aardse goed tog saak? My vrese is/was my oudag, hoe om te oorleef maar ek glo ook dat as jy God werklik in jou lewe het en dien dan sal God self daarna ook omsien. Die ou duiwel probeer hard om sy kloue van vrees in my in te slaan maar ek sal op God vertrou. Ek gaan net positief wees. Ek besef ek sal uit moet begin beweeg en wil so graag by kerklike instansies aansluit maar het nie die moed daarvoor nie. Jy sien, ek leef in 'n gemaksone, net "me and myself ". Trek my huis se deure agter my toe en wolla! Vrede met die res. Dit sal moet verander. Ek sal baie dinge in my lewe moet verander om te kan uit beweeg. Bid vir my asb dat die Here vir my duidelik sal wys waarnatoe. Groete in Jesus - Marthie

Hallo ST - Baie dankie dat jy nie skroom om geloof in die lewende God te verkondig nie. Mag jy 'n dubbele seën op die werke van jou hande ontvang! Groete - Elzette

Baie dankie, ST! Dankie nogmaals vir jou optrede gisteraand! Dit was baie lekker en waardevol om na jou te luister en dit het vir mense baie beteken. Baie groete en seën met jou goeie werk. - Frikkie

Dankie Dr Potgieter vir die inspirerende nuusbriewe dit gee mens weer nuwe uitkyk op die lewe. Die droombord gaan ek beslis vir my opstel en in my kantoor en huis opplak, ek gaan dit ook aan my vriende deurgee. Soms het mens so baie drome dan maak jy niks daaraan nie, Maar ek gaan werk daar aan. Nogmaals dankie en ‘n mooi dag vir u!!!!!!! - Haneley

Hallo, Dr ST - jou nuusbriewe dek altyd sulke interessante onderwerpe dat dit iets is waarna ek met afwagting uitsien. Die inligting aangaande hoe om ‘n toespraak voor te berei en aan te bied kom baie handig te pas,aangesien ek al n paar keer in so n situasie beland het,veral een met n nadraai,maar meer daaroor n volgende keer.

Graag deel ek met jou my droombord .Vir die afgelope dertig jaar ry ek met n groen Volkswagen kewertjie. Elke dag wanneer ek so in die druk verkeer sit en ek sien al die nuwerwetse motors by my verbykom,dan begeer ek ook een.In my gedagte sien ek myself agter die stuurwiel(kragstuur natuurlik) met lugreëling en net knoppies wat jy druk om vensters oop te maak en n CD speler wat vanself aangaan sodra jy oopsluit. So kan ek met die lys aangaan,maar hier le die probleem.Ek is n baie sentimentele mens,eintlik ‘n opgaarmens,wat waarde heg aan alles,al is dit net n verjaarsdagkaartjie.

Hoe nou gemaak?Ek wil so graag die nuwe motortjie hê, maar wat van Volla.? Dit herinner my aan Dozi se liedjie "Ou ryperd ,ons ry die pad tesame,deur die lewensbane". Dit is wat ons twee letterlik die afgelope jare gedoen het.Daar was tye wat ons gaan staan het,gelukkig elke keer naby die huis,en dan moes manlief maar kom help.Wat ek nooit kon verstaan nie hoe dit moontlik is dat die oomblik my man agterdie stuurwiel inklim ,dan vat Volla asof daar nooit n probleem was nie.Sy ken ook die pad so goed dat sy selfs weet watter aande is dit reguit huistoe of moet ons eers n draai by die winkels gaan maak.Net soos vir my het die jare ook sy merk op haar gelaat.Verbleik met n paar roeskolle en boetie se pogings om te leer bestuur is ook daar.

Hoe kan ek nou ‘n vennootskap wat oor soveel jare strek beeindig?Dit is net so goed ek ruil my lewensmaat in vir n jonger model.Vir my sal die nuwe motor net n droom bly.Miskien wanneer ek aftree sal Volla ‘n ereplek op my huis se dak kry en in die garage die nuwe een. My droombord het nog ander drome ook waarna ek strewe en ek glo dit sal ook waar word. Vriendelike groete. - Magda

Beste ST - dankie vir die nuusbrief wat ek ontvang het. 'n Mens kan nie genoeg geestelike skrywes of boeke hê nie. My "Geestelike Biblioteek" het my aan die lewe gehou toe ek in die diepste donkerste put was. En as ek op laas aan die einde van die tonnel 'n liggie gesien het, was dit die bankbestuurder wat net weer kom geld soek.

Ek het baie boeke, en ek maak aantekeninge in almal en soek in Die Bybel na verwysings van wat ek lees. Met al die 'aantekeninge', kan ek al 'n dagboek skryf. (Ek het al begin.) Nie dat dit regtig die lig sal sien nie, maar dit is 'n droom. (droombord) Ek het regtig donker jare beleef. En dit is 'n la....aang storie. Maar omdat die Here my gehelp het om deur die proses op te staan, moet ek dit deel. Ek was verskeie kere in 'n senukliniek. En elke keer net 'n beter mens daaruit gekom . Hier is 'n verkorte weergawe…Dankie vir die geleentheid. Lekker dag.

My droombord dagboek is in wording!! Groete - Hanni

Drome? Ek het lankal opgehou droom. My droom is om te oorlewe op my oudag wat om die draai is. Ek lewe van dag tot dag, opstaan regmaak vir werk, werk, terug huis toe, kosmaak, bad,stiltetyd, slaap........ opstaan ens, ens. Elke dag behalwe naweke dan breek ek die roetine met 'n besoek aan my kinder & kerk toe gaan. Dis dit. Te oud vir drome droom. Jong tyd gesukkel om kinders groot te kry - alleen - nou, is ek moeg. - Marthie

Goeie more Dr Potgieter - daie dankie vir die interessante leesstof wat u publiseer op die website. Dit gee vir my ‘n nuwe uitkyk op die lewe as ek dit klaar gelees het. Graag wil ek u raad vra aangaande vakkeuses… Ek sal dit baie waardeer indien u vir my terugvoer kan gee sodra u ‘n kansie kry. Sterkte en mag u ‘n wonderlike dag beleef. Groete - Laetitia

Beste Dr Potgieter - dit is ‘n uitstekende plan – die droombord – ek gaan so gou moontlik die naweek daaraan werk. My grootste droom as enkel ouer is om my vir die oudag finansieël onafhanklik van iemand (staat) te maak, asook my kinders (dogter -22 en seun 14) om die reguit paadjie te stap en dat hul drome bewaarheid moet word…. Ek was nog nooit oorsee nie, nog nooit eens ons land goed deur gereis nie, maar die strande met die palms was nog altyd ‘n droom (Mauritius ens). Dit sal ek eenkant toe stoot om liewers vrede, liefde en geluk te kan smaak in my lewe. Lekker dag - Susan

Dear ST - What a pleasure to receive this particular mail! I chose my board about 1 month ago and found a few pictures of my "dreams" and since then, I have been so busy that I put it aside. This to me is a reminder that I need to complete it and that my goals are important. Thanks - Desiree

Dr. ST - dit is baie praktiese manier. Ek het aan die begin van die jaar aangevoel dit gaan ‘n positiewe jaar wees en 1 van my drome het waar geword – ‘n ander motor ! Die volgende is ‘n ander huis en ek glo met die nodige tyd sal dit ook waar word. Groete vir eers - Marietha

Dr ST - Baie dankie vir die wonderlike idee!! Ek gaan net een probleem hê, my bord sal 'n droommuur moet wees.....heeltemal te veel goed wat ek nog wil sien en beleef. Gelukkig is ek nog relatief jonk en die wêreldse begeertes darem aan die min kant! Heerlike dag verder. Vriendelike Groete - Naldine

Ek hou van die idee - sal dit beslis gebruik en promoveer. - Elzette

Hallo baie dankie vir jou Pitkos. My droombord is al my uitstaande profetiese Woord, dat ek mense kan help om hulle huise en kos te gee en dat die Here my volle potensiaal kan gebruik. Die Here seën en dankie dankie vir die kosbare saad wat jy saai. - Thelma

Beste Dr ST Potgieter – baie dankie vir jou e-mail ivm Droomborde en hoe om jou drome te te realiseer. Ek het egter ‘n ander siening in die verband wat ek graag met jou wil deel.

Die probleem wat meeste mense in die lewe het is dat hulle dink dat ‘n mens se lewe net vervul of “gerealiseerd” is as ‘n mens kragtige en dinamiese dinge doen. Have you really “arrived” as jy op ‘n Switserse Alp vakansie gegaan het of die nuutste rooi motor ry of onder onder palmbome le??? Ja dit sal lekker wees, en ja hoekom nie.

Daar is net een waarheid en een realiteit en dit is God. Glo dat Hy al jou drome sal laat waar word en sit jou vertroue 100% in Hom. Daar is dan nie ‘n nodigheid vir droombord en lee beloftes nie. Wat is dan nou lekkerder en meer vervullend om te weet dat ek elke dag die wil van God nastreef en nie die droombord se wil nie.

In vandag se lewe vol lee beloftes en gejaagde lewe is die laaste ding wat mense soek net nog ‘n foefie om in te glo. Doelgerigtheid in ‘n mens se lewe is uiters belangrik en hoe jy daarby uitkom nog meer so! ‘n Gelukkige familielewe, goeie vriende, gesonde lewe, suksesvolle besigheid, lekker vakansie, groot rooi motor, kry ek alles by my God en Saligmaker deur gebed en volharding in die geloof.

Ek kan ure hieroor praat en om mense te motifeer is vir my ‘n groot passie in my lewe. Ek praat graag met jou hieroor indien jy sou wou. Vriendelike groete - Chantelle

Beste ST - baie dankie vir jou geweldige inspirende nuusbrief en baie goeie webbladsy.

Baie dankie vir die erkenning vir Toastmasters wat jy op die blad het. Ek is nou al 14 jaar `n Toastmaster en dit het vir my wonders gedoen. Ek was dan ook verlede jaar nasionale sekretaris gewees. Sterkte met jou lewe en jou werk, jy maak `n verskil in mense se lewens. Groete - Barry

Hi - Net so vinnige e-pos. Het in 2001/2 'n kursus gedoen oor drome wat deur 'n "lifestrategist" aangebied is, en het hy dieselfde konsep aan ons deur gegee. Ons is so 5 vriendinne wat nogsteeds so twee maal per jaar bymekaar kom, en ons prentjies met mekaar deel, en net weer fokus op dit wat ons regtig graag wil he, op ons drome, en ook om mekaar "accountable" te hou. Ek verander so een maal 'n jaar my prentjie, en kyk na kort en lang termyn doelwitte wat ek wil bereik. Al my prente en doelwitte is in 'n leer, maar ek is sommer nou net weer vuur en vlam om vir my 'n bord te kry sodat ek elke keer kan kyk!

Baie dankie vir jou nuusbrief, dit is voorwaar vir my 'n baie groot seën. Groete - Adele

Môre - ek wil met jou iets deel wat met my gebeur het. Woensdag die vakansiedag lê ek in die bed, en is baie moeg. Iets sê vir my jy moet gaan stap en maak ook so. Ek begin stap en stap en ek hoor net hierdie stem vir my sê jy mag nie om kyk nie stap net. Ek kom later by die punt dat die pad op hou en nog steeds sê die stem ek moet stap en niet die om kyk nie, ek moet ook nie die maklike pad kies nie. Ek stap maar aan deur die bosse en begin toe planne maak hoe gaan ek ander kant die draad deur kom. Maar steeds hoor ek die stem sê stap net. Die volgende oomblik is daar op oop gedeelte in die draad waar deur ek kan stap en kon ek terug huis toe stap. Ek moet toe die bult uitstap maar wens dat my man of kinder my sal kom haal maar steeds hoor ek die stem jy moet nog hierdie bult ook uitkom Ek stap die build uit en kom toe bo, en die stem sê toe vir my jy moet nog hierdie bult ook nog stap dan sal jy bo uit kom.

Dit is 'n ondervinding wat ek nie vir iemand kan beskryf nie. Dit is al wat my nou op die oomblik aan die gang hou aangesien my man en seun hulle werk verloor het maar net na hierdie sessie het my seun werk gekry waarvan hy nou en is dit nog net my man wat nie werk het nie. Ek glo dit sal nog kom op die Here se tyd en nie op ons tyd nie. Groete - Oelfie

Dr Potgieter - baie dankie vir die wyse raad, ek lei kinders van verskillende ouderdomsgroepe op om redenaars te kan PRAAT, u 6 tekens wat die gehoor wil hoor kom handig te pas.

My dogtertjie van 14 het juis nou die dag nasionaal deurgedring met haar toespraak, pro-genade dood, alhoewel dit nie haar persoonlike oortuiging was nie het sy daarin geslaag om die gehoor te oortuig sonder fieterjasies en deur te fokus op wat die mense wil hoor. Nogmaals baie dankie, ek waardeer u raad! - Juanita

Groete - Elzanne