Ons almal wil uit die ashope van die lewe opstaan. Ons droom daarvan om seerkry en ellende agter ons te sit, vorentoe te kyk en ons potensiaal te ontgin. Die vrees vir mislukking en kritiek weerhou egter soveel mense om voluit te lewe. Mense leef dikwels in die put van wanhoop en vernedering maar weet nie hóé om daaruit te ontsnap nie.

“Hierdie boek Staan op vir jouself is die beste geskenk wat jy vir iemand kan gee.” – ‘n leseres van Gauteng.

In hierdie boek Staan op vir Jouself vind jy ‘n praktiese gids met riglyne, asook hoop en inspirasie, om weer jou verlore drome aan te gryp, en vir jouself op te staan. Jy sal leer hoe om oorwinning te behaal oor aspekte soos teleurstelling, probleme, spanning, krisistye, konflik, emosionele pyn, verslawing, humeurige mense, desperaatheid. Die boek is propvol wenke en riglyne vir lewensvreugde, drome en doelwitte, hoe om gelukkig te wees, ‘n positiewe selfbeeld. Dit en vele meer word in die 51 hoofstukke van die boek hanteer.

Dit het tyd geword om die juk van ‘n swak selfbeeld en verlore drome af te skud. Moenie toelaat dat jou eiewaarde verder in die stof vertrap word deur ander se aanmerkings en verwerping van jou idees nie. Die tyd het aangebreek vir die ontwaking van jou siel, liggaam en gees.

Staan op vir Jouself – ‘n geskenk eerstens vir jouself. Maar ook vir iemand vir wie jy lief is en omgee, iemand wat dalk deur moeilike tye gaan, finansiële probleme ondervind, wat antwoorde soek op emosionele pyn, platgeslaan is deur die lewe.

Staan op vir Jouself het gegroei tot ‘n boek van 213 bladsye – dit is dus ‘n lekker dik boek – heelwat hoofstukke is bygewerk en gaan nou landwyd versprei word in boekwinkels. Die uitgewers is Naledi-uitgewers. So gaan loer in by jou naaste boekwinkel en vra vir die boek. Indien die boekwinkel nie die boek het nie, vra dat hulle dit asseblief van Naledi-uitgewers bestel. Meeste Exclusive Boekwinkels het die boek op hul rakke en CNA het ook die boek vir hulle takke landswyd bestel. Indien ‘n winkel nie Staan op vir Jouself op die rak het nie, kan hulle dit van Naledi bestel.

Die Naledi-uitgewers het ook die volgende inligting aan my deurgegee:

Direkte verkope, vir onmiddellike en effektiewe uitvoer van bestellings van “Staan op vir Jouself”, by On the Dot:  0861 668 368

Of www.onthedot.co.za bestel by NALEDI

Prys van Staan op vir Jouself :  R139.00 ( BTW ingsluit.)

As spesiale vergunning vir Pitkos lesers kan jy enige tyd vir Johnny, die bemarkingsdirekteur van Naledi, skakel by 071-850-8350.

Staan op vir Jouself omskryf die stappe na sukses, hoe om weer te begin, hoe om jou “comeback” te maak, weer jou drome in die lewe te vind.

Staan op vir Jouself is ‘n wonderlike geskenk vir iemand wat nie meer hoop het op die lewe nie. Iemand wat moed opgegee het. Iemand wat op moedverloor se vlakte sit. Staan op vir Jouself is vir enige ouderdom van jonk tot ‘n honderd jaar. Ons kry fantastiese terugvoer van matrikulante en studente oor die boek. In hierdie boek is lewensvaardighede “life skills” vervat wat as kompas en handleiding vir die lewe dien. Indien jy vir ‘n skoolverlater ‘n geskenk wil gee, gee vir hom of haar Staan op vir Jouself.

Het jy op skool geleer hoe om ‘n krisis te hanteer? Het jy geleer wat om te maak wanneer die storms van die lewe oor jou losbars en jy weet nie watter kant toe nie? In hierdie boek vind jy die riglyne hiervoor. Maar net vir krisisse nie, ook vir vrees, spanning, konflike, emosionele pyn, probleme, depressie, verslawing, eensaamheid, desperaatheid. Die lewe gee nie vir jou ‘n handleiding hoe om dit te hanteer nie. In Staan op vir Jouself gaan jy antwoorde vind.

Maar Staan op vir Jouself is veel wyer as dit. Hier gaan jy werklik leer wat is dit om die ontwaking van my eie-ek te beleef, hoe om die pyn uit my kinderjare agter my te sit, en hoe om jou doelwitte en drome vir ‘n vreugdevolle lewe te formuleer en uit te leef. Jy sal leer van die doelwit-3-lyste, die beginsels van sukses, droombord, hoe om jou projek ‘n sukses te maak, en nog baie meer.

Mense sê dikwels vir jou dat jy positief moet wees. Maar hulle kan nie vir jou sê hóé doen ‘n mens dit nie. In hierdie boek sal jy die sestien stappe daartoe vind. Maar nog meer, advies vir ‘n gelukkige menswees, tien wenke vir ‘n beter lewe, hoe om jou dag vreugdevol te maak en werklik nog baie onderwerpe.

Daar is een boek wat op jou boekrak tuishoort: Staan op vir Jouself.